a. Sa Dili pa ang Paghimo sa Eksorsismo
Angay hinumdoman nga ang Eksorsismo usa ka delikadong buhat ug kuyog niini ang risgo alang sa biktima, sa eksorsista ingon man sa mga tawo nga nalambigit niini. Mao nga angay lamang pagahimoon ang usa ka makuting imbestigasyon ginamit ang sikolohikal ug espiritwal nga mga kahimanan aron malikayan ang bisan unsang peligro sama sa nahitabo kang Annelise Michel diin gibase ang salidang: “The Exorcism of Emily Rose. Busa angay’ng tan-awon ug pamalandongan ang mga mosunod nga mga timailhan o sintomas sa Demonic Possession.
Kausabang Sikolohikal
1. Adunay kausaban sa batasan sa biktima. Mahimong kaniadto usa siya ka tawong sabaan o malipayon apan sa kalit lang nahimo siyang hilumon.
2. Kanunay siyang makighugoy-hugoy kaniadto apan sa kalit lang buot niyang mag-inusara kanunay ug magpalayo sa pundok.
3. Adunay kausaban sa iyang pagkatulog kon sleep patterns.
4. Mobug-at o mogaan ang timbang sa walay igong hinungdan.