Binuang ang masiao
Miiknat g’yud ang akong kilay pagkadungog nako ni Mayor Michael Rama nga miingon nga dili priority niya ang paghimo’g kampanya aron masumpo ang masiao.
Gusto niya nga magpili, hain ang himoong priority, kampanya ba sa sugal o drugas. Ang iyang argumento mao nga kun dunganon kuno, basin wala na’y mahimo.
Pastilan, kataw-anan. Kun ako pa ang mayor, mandoan nako ang hepe sa kapolisan nga magmugna og buwag nga team nga mohimo’g hugot nga kampanya sa sugal ug drugas. Dili ba maayo?
Ang balaud gud nga gilatid sa Section 63, Republic Act 8551 nga maoy miusab sa Section 51 (b) (4) sa Republic Act 6975 nagkanayon man nga ang mayor maoy mosuperbisar sa kampanya batok sa sugal sa iyang teritoryo.
"The control and supervision of anti-gambling operations shall be within the jurisdiction of local government executives."
Gituki nako kining maong isyu kay human nako gipublikar ang akong numero sa selpon sa mantalaan, pwerteng daghana nga mipahibalo nako kabahin sa maong problema.
Mitoo ko nga wala kaayo matagad kining maong problema kay panid-i ra gud diha sa Sikatuna Street panahon sa kaadlawon, daghan kaayo nga mangumpra og tipsheets sa masiao.
Ang maong mga tipsheets, nga pulos ra g’yud pangilad, gibaligya sa mga padayon pa nga “nabuang†sa masiao, ilabi na kadtong tua sa probinsya.
Wala g’yud tawon sila masayud nga gibinuangan ra sila kay usa ra ka tawo ang nagbuot kun unsa’y padag-on nga numero. Ang tanang mga financier sa masiao ubos sa “payong†niining mao nga tawo. Kaila man ang mga polis ani apan walay gihimo.
Daygon nako si Koronel Eddie Benigay, ang bag-ong hepe sa Criminal Investigation and Detection Group (CIDG) kun makahimo siya og operation aning maong tawo.
Usa ka pangabaga niining maong tawo mitug-an g’yud nako sa ilang operation. Kun dili kuno moalalay kanila ang mga financier og masiao, “mapordoy†g’yud kay palitan man nila og daghang numero ug maoy padag-on.
Mapugos ang mga financier pagpasilong sa “payong†sa maong tawo kay para dili malugi. Tanang financier, mosumiter og lista sa ilang halin nga numero ngadto sa gitawag og “umbrella†unya maoy mopili og numero nga padag-on nga dili sab maalkanse ang mga financier.
Ang gitawag og “umbrella†o ang iyang mga sinaligan, mokontak dayon sa printing press diha sa Sikatuna Street nga imantala ang numero nga kunohay midaug, apan buhat-buhat ra.
Ingon niana ang sindikato sa masiao. Apan ang dakbayan dunay City Ordinance 1616 nga nagdili pag-imprinta, pagbaligya ug paghupot og tipsheets sa masiao, nganong mihunong man ang kapolisan paghimo’g kampanya?
- Latest
