Usa ka batan-ong yawa ang miingon: Mas maayo tingali nga himoong ma-busy ang mga tawo. Patrabahoa ang mga tawo kapito sa usa ka semana. Pasimbaha sila bisan kapila. Patabanga sila sa nagkinahanglan bisan kanus-a. Parosaryoha sila abisan asa!†Unya mitingsi ang Pangulo sa mga Yawa dungan sa pagpakpak ug pag-ingon: Bravo! Excellent! Maantigo gyud ka. Kang yawaa ka. Panuway kang dako!
PAMALANDONGI KINI:
Dili lang paigo ang ginaingon nga “AKONG MGA LIHOK, AKONG PAG-AMPO. Tungod sa kadaghan sa mga butang ug mga pangandoy nga atong himoon ni bisan pa man sa kahamili sa atong mga katuyoan, adunay posibilidad nga sa Dios kita mahilayo. Mapupos ang tanan natong kusog sa pagpunay og kayod ug maluya na kita hangtud nga wala na kita’y higayon sa paghilom ug sa pakigkukabildo sa Ginoo. Ug kini mao ang tinguha sa yawa, nga iya kitang linglahon ug luyahon ginamit ang atong mga kaugalingong mga binuhatan ug mga paningkamot.
Matud pa sa karatola didto sa Spiritual Pastoral Formation Year: “SEVEN DAYS WITHOUT PRAYER, MAKES ONE WEAK!†Ang pag-ampo dili lang mekanikal nga pagpasiatab sa mga pulong manggawas sa baba hinunoa ang pagsulod kini sa presensiya sa Dios ug ang pagtugot sa Dios nga mosulod siya sa atong kinabuhi.
B. ANG DILI KASARANGANG PAG-ATAKENG YAWAN-ON (Extra-Ordinary Demonic Attacks)
Ania ang pipila ka mga sanglitan sa mga dili kasarangang Pag-Atake
1. DEMONIC OPPRESSION- “Paglisud-lisud, panlupig, pagdaog-daog.†Diin ang usa ka tawo nga nakasinati og Panlupig sa Yawa ang giatake diha sa iyang sikolohikal, emosyonal, relasyonal, pisikal, ug espiritwal nga kahimtang. Ang sanglitanan niini mao ang dili matugkad nga hinungdan kun nganong siya nasakit. Dugang pa, ang si bisan kinsa nga nakasinati niini ang makadungog og mga tingog o hulhog nga dili matino kun diin o asa gikan. Mga panan-awon nga yawan-on ug makahahadlok. Ang uban ang mahimong nakasinati usab og abusong sekswal ug uban pang matang sa pagpanamastamas.
2. DEMONIC OBSESSION- “Kalinga†sa mga hunahuna o pagbati nga nakaapekto sa imahinasyon o hunahuna sa usa ka tawo. Matang sa hunahuna o imahinasyon kang kansang kinaiya matampalason ug makadaot sa kaugalingon. Ang sanglitanan niini mao ang naandang pagpakasala.
3. DEMONIC INFESTATION-“Nahugpaan.†Diin ang pag-atake sa yawan-ong kusog gitumong sa mga butang, dapit, o dili ba kaha mga hayop. Ang “Haunted House†pananglitan, mao ang usa ka sanglitanan niining maong matang sa pag-atake.