Gradwasyon

Matud pa sa balita OK ra kang Mayor Mike Rama nga manambong ang mga politiko sa graduation rites. Dapat lang. Nganong did-an man?

* * *

Kun mao nay ipatuman nga dili patambungon ang mga politiko sa gradwasyon, kademalas adtong mga mogradwar kang kansang amahan o inahan mga politiko, noh?

* * *

Ang gradwasyon sa kabataan dili nalang unta apil-apilan og politika. Grabe naman sad. May nalang kay nakahunahuna si Mike R. nga dili bawalan kun did-an ang mga politikanhong parents sa mga mogradwit. Salamat.

* * *

Kay dili ra ba kalikayan ang pagtambong sa mga ginikanan sa grad rites sa ilang mga anak. Panagsa ra gud na ang pagtambong nila sa kalampusan sa ilang mga anak.

* * *

Bisan pa kun ang amahan o inahan sa mogradwit kandidto ug nahisakop sa kontra partido sa mayor dili makatarunganon ang pag dili kanila sa pagtambong sa adlaw sa kalampusan sa ilang mga anak.

* * *

TRIVIA. Pahalipay ngadto sa mga mogradwit ug sa mga ginikanan ning maong mga gumagradwit. Daghang salamat sa inyong wala’y  hunong nga pagsuporta sa Banat News.