Oppression kon ang panlupig. Matang kini sa pag-atake diin ang gitumong sa dautang espiritu (apil na ang mga elementals) mao ang interior ingon man ang exterior nga galamhan o faculties sa usa ka tawo.
Matud pa ni Fr. Jose Francisco Syquia nga ang Demonic Oppression ang makahimong moapekto sa pisikal, espiritwal, relasyonal, nga aspeto sa usa ka tawo.
Kun dili kini maatiman dayon, posibleng ang oppression mo-resulta sa mas grabe nga kahimtang nga mao ang possession.
Nagkadaiya ang mga matang sa mga pagpanghasing espiritwal diin ang biktima ang mahiagom sa gitawag nilang hallucinations, diabolical nightmares, o dili ba kaha mga makalilisang mga talan-awon o mga tingog nga padayong mohasol sa biktima. Mahimo usab nga dunay mga preternatural occurences nga mahitabo sa palibot ug sa biktima gyud mismo.
Ang kalainan sa oppression gikan sa possession mao nga ang alien entity bisan pa man kun niapekto sa kinabuhi sa tawo apan sa mas partial nga paagi lamang.
Unlike sa possession diin ang biktima nahimong nahikalimot sa mga panghitabo human ang trance o dili ba kaha possessed state, ang biktima ang aduna gihapo'y kahimatngon diha sa oppression.
Aron matabangan ang biktima sa maong kahimtang kinahanglang pagahimuon dayon ang usa ka deliverance session pinaagi sa mga kaparian o layko nga natahasan diha sa deliverance ministry. Kini aron ang biktima malingkawas gikan sa gahom sa dautan nga nihasi kaniya.
Ang Prayer of Deliverance usa ka pribadong eksorsismo nga mahimong mahimo sa mga tawo nga dunay karisma niini ug uban sa lamdag sa simbahan.