Ang Epidemic of Demonic Possession

Usa sa mga inilang kaso sa gitawag nila'ng Epidemic of Demonic Possession mao ang nahitabo niadtong ikanapulog-pito nga siglo didto sa Loudom.

Nahitabo kini sa kumbento sa mga madre nga nakasinati sa maong balatian. Si Sr. Jeanne des Agnes ang nisulat niadtong tuig 1640: "Napuno ang akong hunahuna og mga malaw-ay nga mga panghunahuna ug gani wala lang tuyoa nga ako sila'ng malitok.

Butang nga nakapasakit sa Dios ug butang nga nakaaghat sa uban nga makasala batok sa Dios. Usa ka  adlaw niana samtang ako nangalawat, wala lang tuyoa nga akong giluwa ang sagradong hostiya ngadto sa nawong sa pari.

Sayud ako nga dili ako ang naghimo niadto kondili ang yawa." Usa sa mga eksorsista sa kaso sa Loudon mao si Padre Surin nagkanayon: " Nakig-asdang ako sa upat ka mga labing ngil-ad nga mga demonyo sa impiyerno. Ginaingon nga sa susamang siglo, nahitabo usab ang maong epidemiya sa kumbento sa Madrid.

Si Aldous Huxley ang nihimo og paglangkob nga ang maong hysteria nahimong usa ka epidemiya gumikan sa mga lakang nga gihimo sa mga eksorsista nga adunay kalambigitan sa gihimo sa mga madre nga iyang gitawag og hightened suggestibility.

Nahitabo kini sa mga nagkadaiyang mga tunghaan dinhi sa ato nga tungod niini, kadaghanan kanato ang nihukom nga usa ka demonic possession epidemic ang tanan nga moresulta sa paghimo dayon og hinanaling exorcism ug deliverance sessions nga kun dakpon sa media mamahimong usa ka sensationalized issue.

Kini tungod kay ang Roman Ritual ang hugtanong nagbaod nga mahimo lamang ang maong ritwal nga halayo sa publiko. Dugang pa, himoon una ang usa ka makuting proseso una kita mohukom nga kini usa ka Demonic Possession Epidemic.