Mr. Barangay

BRGY MANTALONGON, DALAGUETE, CEBU

“Ang karsada sa among lugar kay nahimo na lang one lane kay gihimo naman nga parking area sa ubang truck de karga kuyaw kaayo sa mangagi nga estudyante.”

BRGY LUTAC, NAGA CITY

“Pasalamat gyud mi nimo sir Jun kay kadtong among gi-report nimo nga sige’g panguha’g bas ug graba gipangdakop na gyud sa mga polis, hinaut nga magpadayon kini.”

BRGY SACSAC, MANTALONGON, CEBU

“Palihog ko’g pabadlong aning mga estambay nga magduwa’g basketball sa karsada kay ang bola ari punta sa national highway daghan na mga motorista nga nadisgrasya.”

BRGY MANTAYUPAN, BARILI, CEBU

“Sir Jun dugay na gyong panahon nga wa gyud ayuha ang gubaon namo nga karsada, asa naman diay ang budget para road maintenance nganong wala matagad ni.”

BRGY MARIBAGO, LAPULAPU CITY

“Manawagan unta mi sa among mga opisyal nga aksyonan na unta ning naghitak namong illegal nga drugas sa Datag, Looc ug Bagumbayan dugay na kaayo ning problemaha.”

BRGY BAYONG, BALAMBAN, CEBU

“Naunsa naman ning among lugar sa sitio Amaga nga hangtod karon nag-antos pa gyud mi sa tumang kangitngit tungod kay wa kaabot ang kuryente diri, hinaut aksyonan kini sa among nga opisyales sa lungsod.”

BRGY PUNTA ENGANIO, LAPULAPU CITY

“Nibalik naman sad ang illegal nga drugas pwerte na sad kadaghan, kinahanglan na gyud tingaling molihok ang among mga opisyal aron masumpo ning nalambigit nga mga batan-on.”

BRGY SAN ROQUE, CEBU CITY

“Diri sa among lugar problema gyud kaayo ang tagdugay nga nakuha nga mga basura labi na diri sa may Manalili ug Lapulapu City hugaw na kaayo tungod sa drainage naghitak lang.”

BRGY LABANGON, CEBU CITY

“Grabe na gyud ang basura diri sir Jun wala gyod matagad unya kun manawag mi sa barangay hall igo lang moingon nga guba ang dumptruck, dugang problema kay dili sila mohatag brgy clearance.”

BRGY BASAK, MANDAUE CITY

Palihog intawon mi pasusi sa sitio Kanipaan kay daghan naman kaayo ang shabu luoy kaayo ang among mga anak kay usahay makakita man sa mga namaligya, way aksyon ang otoridad.”

BRGY PIT-OS, CEBU CITY

“Hangyo unta mi sa among kapitan nga dili unta paparkingan ang dalan padung sa Pit-os proper kay grabe na kaayo ka trapik sa dalan, dugangan pa sa mga motor nga hapit na lang magpatunga sa dalan.”

BRGY BANGKAL, LAPULAPU CITY

“Diri dapit sa Phase 1 sa Camella Homes uy pwerte naman kaguba sa karsada mura naman gud og sungkaan wala may gihimong aksyon ang mga opisyal sa siyudad ug barangay.”

Alang sa inyong mga reklamo text lang sa 09071678643