Mangombira ta Sir

Si Mr. Rivas usa ka supervisor sa dakong kumpanya. Aduna kini siya’y kinaiya sa kanunay magpagasto sa iyang mga tawo. Kutob sa madunggan niya nga kombira sa iyang mga tawo adto gyud siya, apan sa iyahang bangkite dili gyud moingon og naay pundok hiniktan gyud ug lanot ang iyang kuwarta dili gyud modugo.Usa ka higayon nagtapok ang iyang mga sakop kay moadto sa ilang kauban sama sa naandan uban dayon siya. Sa  pag-abut sa maong lugar nahingangha siya kay patay man ang misugat sa iyang panan-aw.”Sir dili ka molimos?”, pangutana sa iyang sakop “ Napugos na lang siyag ibot sa P500 labi na kay nagtan-aw ang biyuda sa namatay.

Ang pagkaopurtunista sa  usa ka tawo makahatod kaniya sa dili maayo nga resulta kay moabut man gyud ang panahon nga mosumbalik kaniya ang iyang mga buhat. Kay matod pa bitaw takson ka usab sa imong taksanan.