Giingon nga: “Sometimes you win, sometimes, you lose -- that’s life!” Dili ta makalikay ini. Dili sa tanang higayon magmadaugon ang tawo. Mao ni ang kinabuhi. Mao ni ang nahitabo ni Pacquiao. Period. Miabot na ang iyang panahon. This is normal.
Normal ni, apan naguol ta‘g maayo, na-shocked ang tibuok nasud tungod kay wala ta magtuo nga mapilde si Pacquiao. Alang kanato, “sometimes you win, sometimes you win. Alang kanato, di gyud mapilde si Pacquiao.
Karon, maoy atong gusto nga dili siya mo-retire, kay dili maayong paminawon nga mo-retire kay nahayang ug nahapla. Gawas pa, kinahanglan manimawos, aron inigdaug, mao pay i-retire. Besides, mosugot kaha ang promoter ug ang iyang handler nga mo-retire siya? Mosugot kaha sila nga mawad-an sila’g negosyo?
Alang kanato, wala nay makapilde ni Pacquiao. Ug lagmit, mao usab kini ang pagtuo mismo ni Pacquiao. Maoy hinungdan nga gisakitan kita pag-ayo sa nahitabo sa atong Congressman. Kinahanglan manimawos. Na, hala, sige!
Apan, kun mo-retire si Marquez, kinsa may panimaslan ni Pacquiao? Si Mayweather? Alang kang Marquez nindot paminawon nga mo-retire siya isip champion. Inig-retire niya, wala nay makailog sa bakus ug dili na siya kapanimaslan.
Aduna bay relasyon ang relihiyon sa iyang kapildehan? Not necessarily. Aduna bay epekto ang iyang pagsalikway sa rosaryohan ug sa dili na pagpanguros? No one can tell. Mga speculation lang ning tanan. Hangtud hinuon nga dunay miingon nga napilde kuno ang Azkals tungod kay wala sila manguros.
Mi-epekto ba usab kang Marquez nga siya na man hinuon ang nagsige’g panguros, kay lagi nagpabilin siyang Katoliko? Wala’y tawo nga makatubag niini. Igo lamang kita sa pagtag-an-tag-an sama sa atong pagtag-an-tag-an kanus-a gyud matapos ang kalibutan.
Mo-retire ba si Pacquiao? Lagmit dili. Kun dili siya mo-retire, hinaut nga mo-concentrate na gyud siya sa pagkaboksidor. Mobalik ba siya pagka-Katoliko? Mora’g dili. Nahinayak na siya sa bag-o niyang kaplag nga tinuhoan, nga alang kaniya, maoy tinuod nga gitukod ni Kristo. But who cares? Iya na kining kabubut-on. Wala tay labot.
Si Marquez usa ka full time boxer. Si Pacquiao, part time boxer; part time congressman:” part-time singer, actor; part time product endorser, part time evangelist; part time unsa pa na diha (kamo na lay dugang). Daghang lingaw. Daghang abilidad.
Maayo man gani kay mibotar sad siya against sa RH Bill. Wala siya magpadala sa influence sa United Nations.
Anyway, daghan pang mga hitabo between now ug sa pag-decide ni Pacquiao kun mo-retire siya o dili. Mag-eleksiyon pa. Hinuon, di man tingali siya mangampanya. Seguro na siyang daug. Ambot kun duna bay nangahas pagpakig-atbang niya?
Sa mga tambay pa, let us to wait and see. Ug makita ra unya nato ang scatter.