Ang Azkals

Nakakita na man tingali mo sa atong national football team nga Azkals. Ug tingali nakakomento mo sa inyong kaugalingon nga ang atong team mas European tan-awon kay sa ubang Asian footbal teams.

* * *

Matud pa sa usa ka malditang fan sa Azkals, proud kuno kaayo siya kay mga pogi ang atong national football players. Suma pa niya daghang football players sa ubang Asian teams nga mura’g kanawong sa iyang mga kailang jeepney drivers.

* * *

Dihay estorya bahin sa Azkals ug sa usa ka Vietnamese girl. Kining Viet girl nakakita sa mga sakop sa Azkals sa usa ka TV program. Human niini gipaila-ila siya kang Chieffy Caligdong kinsa maoy team captain sa Azkals.

* * *

Mura siya’g nahibung. Gitutukan niya pag-ayo si Caligdong ug unya iyang gipangutana: Are you Filipino?” Nangawot sa iyang tingkoy si Chieffy. Apan nakasabot siya. Nadudahan siya nga dili Filipino tungod kay mga puti man ang mga sakop sa Phl football team.

* * *

Pero OK lang alang ni Chieffy Caligdong. Matud niya ang importante nga ang mga sakop sa Azkals kanunay’ng naninguha nga makahatag sila’g kadungganan sa Pilipinas.

* * *

TRIVIA. Daghang salamat sa tanang misuporta sa Banat News ... Partikular na ang atong mga magbabasa diha sa Taboan market area ug sa dan Sanciangko.