EDITORYAL - Ang Filipino time malampuson

Puwerti diay kunong  daghana  sa nagbagulbol niadtong Oktobre 31`kay naabtan  sa oras  sa pagsira  sa opisina  sa Comelec ug wa makaparehistro.

Ang  uban kaadlawon  pa  sa maong  adlaw naghuot  na didto  sa atubangan  sa buhatan  sa Comelec, apan  ang uban  miadto  na  sa hapit  nang  alas 3:00.

Ang  uban miadto  lapas  na  sa alas 3:00  sa pagtuo  nga alas 5:00  pa  sa hapon manira ang Comelec.

Maoy  hinungdan  nga ang uban  naghinuktok ug namalandong  ug miingon  sa ilang  hunahuna  nga mas maayo na lang  kay  mitunga  man  gyud  sila  didto  sa buhatan  sa Comelec kay may ikapangatarungan  sila  nga  bisan  wa makaparehistro, apan, miadto gyud  sa Comelec  ugaling na-late  lang.

Ang ilang kalag o konsensya nga mugna sa kasingkasing ug utok nagbasulay, kay ang utok gusto  nga moparehistro  og  sayo sa mga buwan  nga  wa pa itagal  ang deadline, ang kasingkasing miingon  man  nga  unya  na lang  sa deadline  dayon miduyog  ang  lawas  nga  taspokan,

Mahimong  ang  kasingkasing  maoy  gusto  nga  magparehistro og  sayo apan si utok  mao  usab  ang  mimandar  nga  unya  na lang  sa deadline, ang lawas  nga  luyahon  ug kapuyon agad-agad  lang  sa mandar  sa  iyang kalag  aw nasikwati ug  napuwerhisyo  ang  tibuok pagkatawo.

Mao  bitaw  usahay sa  mga  kasong  ingon  niini  diin  ang  kalag  sa tawo  mahasol kay di magkasabot si utok ug si kasingkasing, mosangpot  sa paghikog  sa lawas.

Apan naanad  na  kaayo ang  mga Filipino  niini  ug  lisud  na  kaayong  pitolon  ang  matag  kaugalingon  sa tawo, gawas lamang niadtong  may hustong  baruganan  ug prinsipyo sa ilang pagkatawo.

Unya mangatarungan  na lang  pinaagi  sa pag-ingon  nga  mas maayo na lang  ang Filipino time  kay motunga  man bisan late. Itandi  sa Indian time  nga Indianon  gyud ka.