Nabukog

Daw sa gitukbil sa hilabihan ang kasingkasing sa inahan nga nagsud-ong sa iyang anak nga nagpunay og hilak tungod kay kini nabukog man sa eskabetseng isda nga gikaon sa ilang paniudto anang adlawa. Busa nagdali ang inahan og kuha og saging tundan yawat na lang makuha ang maong bukog. Usa, duha, tulo, hangtud nahurot na lang ang usa ka siping hinog nga tundan apan wala lang gihapon mohunong og hilak ang iyang anak. "Day, nganong sige ka pa man og hilak diha? Wala pa ba gyud diay makuha ang bukod nga nasangit sa imong tutonlan?" tugob sa kalumo nga sukna sa inahan ngadto sa iyang anak. Ang anak igo lang milingo-lingo og mihilak samtang gipakita niini ang gamay'ng bukog nga nagtaop sa iyang kumagko!

Pamalandong

Usahay ang tawo tungod sa iyang pagkamadali-dalion, mohimo og sulosyon sa dili mao nga problema.