Naglisod og move on

Medyo Maldito,

Unsaon man pag-move on? Nganong lisod man kaayo mag-move on? Unsay angay buhaton aron dali ra maka-move on, Medyo Maldito? Tawga na lang ko’g Mia. Ang babaye nga dili  mamiya pero pirming biyaan. Ang babaye nga galisod og move-on sa iyang ex nga igo ra siya gibinuangan. Unta matambagan ko nimo Medyo Maldito.

* * *

Mia, unsaon pag move on? Dali ra na tangtanga ang L sa LOVER aron marealize nimo nga it’s OVER. Di tanan pareha og reasons sa pag-move on. Ang uban mag-move on sa score sa exam nga gamay kaayo.  Ang uban mag-move on kay nag-away sila sa iyang friends.

Ang uban mag-move on kay nagbuwag sa uyab. Naa pu’y uban nga mag-move on, move-on bisa’g wa gyud sila nag-uyab. Nag-move on kay wa pa gani sila nag-uyab gipahilak na.

Mura’g rehearsal bisan og unsa na nga pag-move on pareha ra tang tanan. Mag-move on kay nasakitan mag-move on kay ang ilang gihimong kalibutan igo na lang sila gibiyaan. Mag-move on kay sa una daghan kaayo sila’g planong duha pero karon ang iyang uyab naa nay bag-ong plano ug lahi na ang kauban.

Mag-wonder lang gyud ko sa uban nganong di sila makakaon kung bag-o sila gibuwagan ngano man? Gidala sa imong uyab inyong rice cooker? Pero to be honest lisod gyud mag-move on labaw na’g tinuod gyud ka nga nahigugma.

Way short cut sa pag-move on lisod limtan ang memories ninyong duha ug labaw nga lisod limtan ang tawo nga gihigugma nimo’g sobra. Ang maayo nimo nga buhaton? Higugmaa imong kaugalingon.

Make yourself busy atong mga butang nga ganahan nimo spend more time sa mga tawo nga importante ug naka- appreciate nimo. Tawga imong mga family ug barkada ug laag kuyog nila.

Basta dili solution ang mga bisyo ang mag-inom, mag-drugs ug ang mangita’g bag-ong uyab ug manimawos aron maka-move on ka.

Dawata na lang nga dili tanan mag-uyab magkadayon in the end. I-enjoy na lang imong life nga single ka mas mag-grow ka ana as a person focus on being a better you Mia. Don’t be bitter, be better.