Medyo Maldito,
I’m Liezel, 23 years old ug no boyfriend since birth. Wala pa kauyab maybe because tambok ko . Ang mga laki ron ganahan og sexy, puti, taas. Unya ako nga tambok, maghuwat na lang nga wa na sila’y laing choice aron pilion ko nila. Nag-try nako’g paniwang pero lisud man kaayo oy.
Basin sa genes na gyud ni nako kay akong parents, healthy man sad. Unsa man imong ma advice nako, Medyo Maldito? Gusto pud ko maka experience anang maka-uyab ko. Kanang seryosohon gyud ko bisan og ingon ani akong lawas.
* * *
Wala ka’y uyab gumikan kay basin tungod dili pa ka ready o wa pa niabot ang lalaki nga para gyud nimo ug dili na tungod nga tambok ka. Dili tanan nga lalaki ganahan og sexy, puti ug taas.
Personally, di gyud mag-matter sa ako kung unsa ang lawas sa usa ka babaye. Kay kung love gyud ka’s usa ka tawo tanan features nimo nga feeling nimo imperfect, perfect na para niya wala siya’y labot ana. Always remember, Liezel, beauty doesn’t have a weight limit dili tungod mas dako ka sa uban, mas guwapa na sila.
Pilia tong uyab nga ingnan ka’g “KAON NA DIHA OY, AYAW SIGE’G DIET DIET.”
Pilia tong lalaki nga way labot bahala og mutambok ka basta ikaw iyang kauban sa iyang mga food trip. Kahibalo ko nga lisod makit-an ang maong klase nga lalaki. Apan kung moabot na siya ayaw na gyud siya buhii. Trust me, moabot ra gyud na nga lalaki nga higugmaon ka bisan pa’g unsa ka dako imong kaon ug bisan unsa pa ka dako imong bukton. Look at the brighter side mas dako ka so mas lisod ka kidnapon. Haha joke lang, Liezel. Kung ganahan ka magpaniwang do it kay gusto ka mas healthy ka ug layo sa sakit.
Not because gusto ka moniwang aron magustohan ka’s uban. Kung imong lawas ra ang giapas sa lalaki wa gyud na’y ayo huna-hunaa, 23 pa ka Liezel. Ayaw’g kabalaka anang uyab kay moabot ra na. Kahayay ra’s single, unlimited ang laag ug unlimited ang crush, love yourself first sa dili pa ka mangita og uyab.
Ready naka maka-uyab kung dili na ka insecure sa imong lawas. Ready naka makauyab kung dili na nimo i-compare imong lawas sa uban. Imagine kung naa na ka’y uyab karon maglisod gyud mong duha. Magsige ra siguro mo og away kay pirmi gyud siguro ka magselos sa lain.
Naa man gyu’y moseryoso nimo bisan og ingon ana imong lawas kay dili man tanang lalaki pareha ra.
Kay para nako mas guwapa gyud tong babaye nga confident ug kahibaw modala sa iyang kaugalingon. Mas guwapa tong babaye nga lingaw kaistorya ug kusog magpakatawa.
Kay kung matiguwang na mong duha mopangit na inyong nawong ug mobati na inyong lawas. Maong mas pilion nako ang babaye nga love gyud nako ug makapalipay sa ako. For now, just enjoy your life with your family and friends Liezel!