Nahigugma gihapon sa ex-BF

Bag-o lang gyud mi nag break sa akong uyab, Medyo Maldito. Ako diay si Mary, 19 years old. Akong ex   maoy akong first boyfriend.

Sakit kaayo nga tawgon na nako siya og ex karon. In love pa man gud gihapon ko niya bisan og nisugot ko nga mag buwag na mi. Nag buwag mi 2 weeks ago. Niabot og tulo ka tuig ang among relasyon kaniadto. Uyab na nako siya since high school pa mi.

Recently, nag bag-o na gyud tanan. Lahi na iyang pag-treat nako ug na feel na gyud nako dili  na ako iyang priority. Na-feel nako nga dili  na siya pareha sa una. Sakit kaayo kay tanan gisaad niya nako before, iyang gibuhat karon. Ingon siya, nga dili  daw gyud siya mapul-an nako. Love gyud daw ko niya forever.

Pait, wa gyud diay forever. Unsa imong ma-advice nako, Medyo Maldito. Unsa akong buhaton aron di kaayo ko masakitan. Para pud ni atong mga wa pa kauyab. Unsa imong ma advice if ever ma experience pud nila ang first break up.

* * *

Sakit man gyud na, Mary, labaw na nga  tinud-anay ang imong paghigugma kaniya. Sakit gyud na’ng magbuwag na mo. Pero kahibaw ka unsa’y mas sakit?

Kanang ang inyong memories together kay mo- throwback. Kana, grabe ka pait. Sakit pero time heals, maong mawala ra gyud na nga sakit. Sa sugod, mingaw. Sa sugod, lisod pero sa sugod ra na. Daghan ka ma-realize nga mga butang while single ka. Ma-realize ra na nimo nga you don’t need a man to be happy.

Bata pa ka, focus na lang sa imong pag-eskwela. Makat-on na pud ka unsaon mahimo’ng independent kung single ka. Kanang dili  na nimo kinahanglan i-depend imong happiness sa usa ka tawo.

Pero karon, bag-o pa man gyud mo nag- buwag, sakit pa gyud na. Lisod mag-move on. Lisod pero dili imposible. Ayaw sige’g hawiri imong samad aron dali ra maayo. Ayaw sige’g huna-huna niya kay wa na to naghuna-huna nimo.

Maayo imong gibuhat nga imo siya’ng gi-let go bisan og love pa nimo siya. Kay usahay, ang gugma, mura’g tug of war. Mas maayo pa nga buhian na lang nimo kung di na gyud siya gusto, kay masakitan ra ka kung pugson pa nimo.