Nagpakita si Sr. Sto. Niño
CEBU, Philippines — “Carlito, moadto ka sa siyudad aron mopalit og mga utanon, prutas ug bugas?” ni Marivic. “Pag-amping sa pagdrayb ha?”
“Ayaw kabalaka, Marivic, kay natural lang ang akong pagpadagan sa inabangan nga taxi”, ni Carlito nga nigunit sa kamot sa asawa. “Debuto ta ni Sr. Sto Niño ug panalanginan ta niya!”
Wala maglangan nangompra si Carlito sa siyudad para sa ilang konsumo. Pagkahuman gayod sa pagpangompra padulong na siyang mopauli sakay sa inabangan nga taxi. Samtang nagdagan, kalit nilabang ang usa ka dalaga ug nahibulong siya kay ingon sa adunay ni babag nga kusgan aron dili maligsan ang maong babaye. Nahingangha si Carlito kay nihunong og kalit ang taxi. Giduol niya ang dalaga.
“Inday, wala ka ba maunsa?” ni Carlito nga may nadungog nga mga tunob nga wala niya makita nga nagpadulong sa taxi.
“Kuya, wala man!” tubag sa dalaga. “Abi nako og maligsan ko!” Wala maglangay nagpadayon sa pag- drayb sa taxi si Carlito nga dalang paglingo-lingo sa nahitabo. Apan sa tantong pagdrayeb ningsiga ang iyang mga mata, kay kalit may nilihok nga usa ka paresan sa sapatos sa bata nga tapad kaniya. Wala’y tawo nga nakita. Dangta’g pipila ka minutos, naigpot si Carlito kay nagpaktia na ang tag-iya sa usa ka paresan sa sapatos mao ang bata nga lalake nga nagpahiyom kaniya.
“Bata, kinsa ka?” ni Carlito nga ningsiga ang mga mata.
“Manoy, ako ang manluluwas!” matud sa bata.
Apan sa tantong pagmaneho sa taxi ni Carlito kalit nahanaw ang bata sa iyang tapad. Ug pipila ka minutos duol na sa iyang pinuy-anan. Wala paabuta napugwat siya kay nasiplatan niya ang bata nga nilapos sa sementadong bongbong sa kapilya. Natawo sa hunahuna ni Carlito nga nagpakita si Sr. Sto. Niño. (Katapusan)
- Latest
