Naghuwat mobalik ang ex

Gahuwat pako sa akong ex nga mo balik siya. Naa na siya’y uyab karon pero gadahom gihapon ko nga kung magbuwag sila, sa ako gihapon siya mobalik. Nagbuwag mi kay daghan kaayo ko’g sala niya sauna. Pero okay man among relationship karon as friends.

Dili  na bitter ug napasaylo nako  niya. Magpatambag lang ko kung sakto ba ni akong paghuwat niya o di nalang ko mohuwat kay basin sayang ra akong effort ug oras? Ako na siya’ng giingnan nga muhuwat ko and feeling nako, murag naa gyud mi chance duha kung single lang siya. — Jerick

* * *

Jerick, lisod maghuwat sa wala pero mas lisod maghuwat sa murag naa. Pero kung love nimo, bisan og dugay, makahuwat man gyud ta. Kung seryoso gyud ka nga gusto ka makigbalik niya, Jerick, huwata siya. Kanang huwat nga dili  pareha anang uban nga maghuwat daw pero naa’y laing ka iring-iring. Kung maka-decide man ka nga maghuwat gyud ka niya, maayo nimong buhaton  mao ang pagpa-improve sa  imong kaugalingon while gahuwat ka niya.

Huna-hunaa asa ka nagkuwang ug asa ka nasayop aron imong mga gibuhat sauna, dili  na nimo utrohon. Di sayop maghuwat pero dili  pud maayo nga maghuwat na lang ka pirmi. Meet new people. Make new friends. Basin naa rana’s daplin nimo matagboan ang makapa-skip og beat utro sa imong kasing-kasing. Basta Jerick, kung muhuwat ka, huwat lang ha. Ayaw kasuko kung naghuwat ka’s wala. Ikaw rama’y nihuwat, wa man ka gisugo ana. Kung kamo, kamo man gyud. Pero kung dili, kamo lang unta gihapon.