Gipulihan dayon?

Bag-o ra mi nagbuwag sa akong boyfriend. Like 2 weeks ago lang gyud. Then few days ago, nakita nako sa iyang account nga ga- post siya og photos nga naa siya’y bag-ong kuyog. Don’t get me wrong ha, dili  ko bitter ug okay ra nako nga naa siya’y laing kuyog or naa na siya’y bag-o kay ako man ang nakig-break niya. Pero makainsulto ang feeling nga bag-o pa mo nagbuwag, kakita na siya og ikapuli nako. Ingon ana gyud mo mga boys? What can you say ani, Medyo Maldito? Therese, 21.

* * *

Bag-o ra mo nagbuwag, pero naa na siya’y kuyog bag-o diritso. Nahigugma kaha siya nimo? Ang tubag, yes. Defense mechanism. Mao siguro na ang reason nganong ga-post siya og  photos nga naa na siya’y laing kuyog. Gusto niya ipakita nimo nga okay ra siya bisa’g deep inside, dili gyud. Naay mga rason  nganong ingon ana siya karon. Maybe, gusto niya ipakita nimo nga okay ra siya bisag wala  naka. Pero always remember, Therese, dili tanang posts tinuod ug di tanang tinuod, kinahanglan i-post. Pwede pud nga iya nang gi-post tungod kay gusto siya nga magselos ka. Maybe, iya nang gi-post kay aron kung makita na nimo, maka-realize ka nga you still love him ug sakit man diay nga naa na siya’y kuyog lain. And I think it is working. Klaro kaayo nga affected ka bisan pa og moingon ka nga dili. Dili  man ka mag-effort og patambag diri kung okay naka nga wala siya ug naa na siya’y bag-o. Paghuna-huna og maayo kung sure na ba gyud ka’s imong desisyon nga nakigbuwag ka niya. It’s not too late kay sure ko, dili paman na sila uyab. Daghan raba girls nga everytime mag-away sa uyab, buwag diritso. Kung away- way lang, wala’y buwagay. Ayaw himo og permanent decisions tungod sa mga away nga temporary ra kay in the end, sure ko, magmahay ra ka.