Love story

Dear Banat News,

Maayong adlaw sa  avid readers of Banat News Hugyaw. Ako diay si Renren, girl, 28 ug taga Labangon, Cebu City. I just want to share my l love story.

Maayo kaayo ang  dagan sa among relationship ni  Amir , 28  nga taga  Capitol Site, Cebu City.

 Pareho  ming duha  nga nagtrabho isip mga call center  diha sa IT Park, pero dili mi pareho og company.

Niabot na karon og upat ka tuig ang among relasyon, ug dili malikayan usahay nga mabalaka gyud ko kay basin maabot ang panahon nga mapul-an siya nako.

Normal  man  tingale ni akong gibati, kay dili jud baya ko ganahan nga mawala si Amir sa akong kinabuhi.

Nagkaila mi niya tungod ra gyud  kay nagkadungan mi og pangaon sa usa ka fast food chain diha sa IT park.

Una ko nilingkod sa table, ug pagkataod-taod, dunay niduol nako nga boy (Amir)    ug nihangyo nga mag-share mi sa table, kay  wala na daw bakante laing table. Siyempre , dili baya ko arte, nisugot dayon ko  ,  ug sa tinuod lang,  nag-heart heart baya akong mata, wala ko nahimutang samtang nag-atubang mi sa pagpangaon kay guwapo man gyud kaayo siya haha.

Bisan kinsa nga girl tingale,  mosugot gyud  uy nga  dunay guwapo nga makig-share og table sa ilang pagpangaon. Nakabantay si Amir nga  murag wala  ko nahimutang, ni-smile siya ug   nakig-small talk siya  nako para makomportable  ko ug nag-ila ila dayon ming duha.

Naganahan na hinuon ko niya, kay dili siya arte, unya lami  gyud kaayo mo-smile. Ulaw pa gyud akong gibuhat, kay ako gyud nangayo og contact number , ni-open man gud siya nga okay ra ba daw friends nami ug manglaag mi puhon if duna ko bakante nga time.  Siyempre, unsaon nako pag-inform niya sa akong bakante nga time kung dili ko mangayo sa iyang number, abtikay dayon  uy, hahaha,. Instant guwapo nga friend nga   kalit lang naabot.Magsige mi og date, pero bahala’g uwaw,  bisan  girl ko, ako permi manghagad og date niya  kay niana man si Amir nga akong vacant time  ra gyud ang iyang giagad, so buot pasabot, ako gyud ang una mo-text hahaha.

Pag-abot sa lima ka buwan nga dating stage,  nidiskarte na gyud si Amir nako , ug nisugot dayon ko uy, kay dugay na gyud ko naghuwat nga iya kung panguyaban.Na-develop daw siya nako, kay  bahala’g kikay kaayo akong batasan,  malipayon daw siya kung ako ang iyang kauban , nakaingon gyud ko sa akong kaugalingon, “jackpot” gyud ang pag-abot niya sa akong kinabuhi. Among story mura pud og naa sa teleserye, haha.

Dili baya kay ko guwapa, arang-arang lang, pero nakauyab ko og puwerting guwapoha ug buotan pa gyud. Request diay ko og  lyrics sa Born For You by David Pomeranz.

Hi Renren! Thank you so much sa imong LOVE STORY! Paabuta ugma puhon ang imong request.

Dear Kalandrakasers, aduna ba kamo'y LOVE STORY? Suwata ka na ug ipadala pinaagi sa    pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News

Corner V. Gullas and D. Jakosalem Streets

Barangay Sto. Niño  6000

Cebu City, Philippines