Dughang samaran

Anugon sa mga luha

 Mingbaha sila daw ang tubig gikan

Sa suba sa mga imong kabuntagon

 Oo, buntag kadto nga gihatagan mo ako’g larawan;

 Nindot nga larawan sa puting langgam

Ug matud mo kini maoy handumanan sa kahangtaran

Buot akong molihok,

Buot akong mokatawa,

Gusto akong maghikog,

Gusto akong moambak sa lawong nga bung-aw

Apan gibadlong ako sa habagat sa imong

Kahilom-- kahilom nga sama sa udtong tutok dunay

Kaininit nga daw impiyerno nga buot nang mosunog

Ning galamban.

Kon balikon mo ang tanaman

Sayon ra man, apan dili na mapabalik ang

Panumpa nga pakyas kay giangkon

Na kini sa dughang samaran.

#HUGOT

Nahigugma ka na ba? Nagpuyo ka ba sulod sa usa ka matam-is nga relasyon? Napukan ba ang imong paghigugma? Giluiban ka? Gibiyaan?  Nagmaoy ka ba? Mibalik ba ang binuhat nga nagpapitik sa imong kasingkasing? Puno ka ba sa inspirasyon? Gikilig? Bisan unsa pa man ang imong gibati karon, angayan nimo ka na nga ipabuhagay pinaagi sa pagbalak!

Ug sa dili madugay, ang inyong kinaham nga Banat News Kalandrakas, mumantala na nianang maong BALAK nga namugna gumikan sa kalipay ug kasakit nga nasinati human ka nahigugma, gihigugma ug buot mahigugma.

Ipadayag ang imong HUGOT sa gugma! Ipadala   pinaagi sa pag-like sa atong Facebook Page nga: Banat News. Didto ninyo ipadala ang inyong mga HUGOT BALAK sa gugma. Mahimo sab nga pinaagi sa snail mail:

HUGOT BALAK

C/o Banat News  V. Gullas St., cor. D. Jakosalem St.  Barangay Santo Niño 6000,  Cebu City,  Philippines