Mahadlok modiskarte

Ako  si Jay, dili  kaayo gwapo pero sa dili paghinambog, daghan-daghan pud baya makagusto nako. Sakto ra akong height, common nga height sa mga Filipino, moreno, ug okay ra pud baya akong nawong. Makaingon ko nga daghan makagusto nako kay tungod sa social media. Sa social media, active kaayo ko pero in real life, wa gyud ko'y social life. Usahay ra mugawas sa balay, usahay ra makiglaag ug jamjam sa barkada. Anyway, magpatambag lang unta ko nimo, Medyo Maldito. Sa kadaghan magsige og chat nako nga mga babaye, loyal gyud kaayo ko sa usa ka babaye nga dili ko sure kung ganahan pud siya nako. Out of my reach man pud kaayo to siya.

Gwapa, taas, beauty queen pero local pa, buotan pud kaayo siya. Kaduha pa mi nag-meet pero akong kaingon gyud ko'g siya gyud akong gusto. Magsige mi og chat chat ug kahibaw pud siya nga like kaayo nako siya. Pero pait kay wa man siya niingon nga like pud ko niya. Pero everytime mag-chat mi, mu-reply man siya. Mahadlok pud ko manguyab niya basin ibasted ra ko ba. Sakit na, uwaw pa. Unsa ma'y buhaton nako ani, Medyo Maldito.

* * *

"Di pa gani ta uyab, loyal na ko's imoha." Mao na'y iingon sa imong dream girl, Jay. Syaro'g di siya kiligon ana. Pero di gyud siya kiligon kung di siya ganahan nimo. Kung mu-reply siya sa imong mga text o chat, di pasabot ana nga naa napud siya'y feelings para nimo. Basin diay ganahan lang gyud siya makig-friends. Ayaw pag-assume kay aron di ka ma-disappoint. Ayaw pag-assume hangtod wala  pa siya'y giingon. Matud pa's accounting rule: Never assume unless otherwise stated. Kung in love ra ba kaayo ta, tanan na lang, buhatan nato og meaning. Kuwang na lang mahimo ta'ng dictionary.

Simple reply nga emoji, simple reply nga smiley, hatagan na nato'g meaning. Pero kung paspas gyud kaayo siya mo-reply sa imong mga text o chat, aw dako na'g chance bai. Kay kung dili interested ang babaye nimo, dili  man na niya sayangon iyang oras nimo. Kung gusto ka makahibaw kung gusto ba gyud ka niya, pakig- date niya. Laag mo, lunch, dinner, movie, ikaw na'y bahala. Basta kay ayaw gyud panguyab sa text o chat. Bahala'g kilid sa kanal basta kay personal. Kung di pud ka gusto ma-basted, ayaw na lang panguyab.