Love story

Dear Banat News Hugyaw,

Hello sa tanang suki sa Banat News! Ako diay si Karen, 25 years old ug taga Capitol Site, Cebu City.

Ako lang i-share ang akong niaging  lovelife  ug single nako karon sulod na sa tulo ka buwan.

Naka-move on ra man ko sa breakup sa katapusan nako nga uyab kay na-busy na man pud ko ron sa akong trabaho. Makugang gyud ang kadaghanan sa sitwasyon sa akong katapusan nga lovelife. Si Atan ang katapusan nako nga boyfriend.

Sa tinuod lang kabit ra gyud  ko sa kinabuhi ni Atan kay duna na man siya’y girlfriend ug nag-live in na sila. Nagkaila mi ni Atan tungod kay gipaila-ila ra mi sa among common friend. Sa unang pagkita nako niya mura gyud ko og na love at first sight niya.

Grabe siya kaguwapo ug kung mo-smile siya, mura gyud ko og gibayaw tungod sa iyang ka-cute.

Pareha ra mi og edad ni Atan, ug  sa among small talk, niangkon gyud siya nga duna siya’y kapuyo sulod na sa usa ka tuig.

Tungod kay na-crush man ko niya baliwala nako nga duna siya’y girlfriend ug ang ako lang nga magkasuod mi ug hangtod nga ako siya mauyab.

Uwaw paminawon kay babaye baya ko, pero gaan gyud akong feeling kun si Atan akong kauban, kay grabe man pud siya kabuotan uy.

Na-develop gyud ko niya niangkon gyud ko ni Atan sa akong gibati niya ug na-shock ko sa iyang gisulti, niana siya ,”  Okay ra man Karen , puwede ra man nga magkauyab ta, okay ra man kaha nimo nga naa koy  uyab?”.

Tungod kay love man nako siya nisugot ko uy, bahala’g kabit ra ko basta ang importante nga ako siya na-achieve.

Panagsa ra gyud ang among komunikasyon kay mangita man og tayming si Atan, maka-text ra siya nako kun naa siya sa trabahoan.

Lahi ang nakabutang nga name sa iyang phone book, aron dili makahalata ang iyang girlfriend.  Safe man pud ang among conversation sa text, nga mura ra pud og maghigala.

Makabuhagay  ra mi og sulti og “I love you” sa usa’g-usa kun mag-date mi. Magkita mi kausa sa usa ka semana ug kini mahitabo sa  restaurant nga tago kaayo para wala kaayo makakita namo.

Tinuod gyud diay ang ginaingon nga dili gyud ka magdugay sa usa ka lalaki ilabi na kun kabit ra ka. Naabot sa punto nga naka-realize si Atan nga sayop ang iyang nabuhat ug nakonsensiya siya og maayo sa iyang girlfriend kay buotan daw kaayo.

Nakigbuwag si Atan kanako wala koy mahimo ug kutob na lang ko sa paghilak ug nakaingon ko sakto man pud si Atan nga gipili niya ang iyang original nga uyab.  Mistress ra ko maong kahibalo gyud ko nga sayop akong nabuhat. Dili pud lalim uy pila ko ka adlaw nga sige og hilak  hangtod nga naka-move on na gyud ko kay sigehan man ko og tambag sa akong barkada. Request diay ko og kanta sa Secret Love Song by Little Mix.

 Hi Karen! Thank you so much sa imong LOVE STORY! Paabuta ugma puhon ang imong request.