Dear Banat News Hugyaw,
Hello sa tanang suki sa Banat News! Ako diay si Maureen, 25 years old ug taga Lahug, City.
Ako lang i-share akong lovelife nga nahupas na sa miaging buwan. Katapusan nako nga nauyab mao si Mike, 24 years old ug silingan ra mi. Anam-anam na nako nga naka-move on sa among breakup pinaagi sa paglingaw nako sa akong kaugalingon uban sa akong barkada.
Ako lang i-share ang kaagi namo ni Mike, ang among relasyon nilungtad og 10 ka buwan.
Nagkaila mi ni Mike tungod kay classmate siya sa akong bestfriend pag-high school ug nagkauban mi og laag sa barkada maong nagkasuod mi. Sa una namong panag-uban og laag, nakita gyud nako kang Mike ang iyang pagkahilumon ug pagka-gentleman.
Sa pagsige namo og uban sa barkada, dali ra kaayo mi magkasinabot ni Mike labi na sa among mga hilig, sama sa lugar nga laagan, ug sa pagkaon nga gusto namo nga tilawan. Sa among kasuod, naabot na gyud sa punto nga “mutual understanding” na gyud ang among status.
Sweet kaayo ang among teksanay ug “baby” na ang among tawganay ug nakabantay na among barkada sa among mga lihok. Lipay rapud kaayo kay supportive ra kaayo ang among friends sa among sitwasyon ni Mike bisan paman nga wala pa’y label.
Naabot na gyud ang akong gipaabot, nanglaag ming duha sa usa ka dakong mall, samtang nag-dinner mi, didto siya pormal nga nanguyab kanako. Siyempre ganahan pud baya ko niya, ako siyang gisugot.
Sama sa ubang manag-uyab, nag-agi pud mi og mga pagsulay. Tinuod siguro nang giingon sa ubang tawo nga kung duna gani history ang tawo sa iyang pagkababaero, mobalik ra gihapon ang maong batasan.
Kadaghan nako nakasakop ni Mike nga duna’y laing ka-text nga babaye ug grabe kaayo ka sweet. Mangayo dayon siya og sorry nako, kay love man nako siya, madala rapud ko sa iyang sorry. Nasundan og makadaghan nga higayon ang pagbinuang niya sa among relasyon.
Hangtod nga nakahukom ko nga putlon na lang nako ang among relasyon, kay kapoy og antos sa lalaki nga babaero. Para nako, nagkalas-kalas ra ko sa akong oras kaniya. Siguro maabot ra ang saktong panahon ang lalaki nga para gyud sa akoa. Mo-request lang ko sa lyrics sa Cry by Mandy Moore.
Hi Maureen ! Thank you so much sa imong LOVE STORY! Paabuta ugma puhon ang imong request.
Dear Kalandrakasers, aduna ba kamo'y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini:
Love Story
C/o Banat News
Corner V. Gullas and D. Jakosalem Streets
Barangay Sto. Niño
6000 Cebu City, Philippines