Panagsabot

Gula 15

"Dili ko bayot ha," matud pa ni Carlo nga nausab ang templa ug tonada sa tingog niini.

"Ayaw'g kasuko oy, Joke ra gani. Unsa man diay imong gusto?" matud pa ni Eser.

"Ambot nimu bayota ka oy," matud pa ni Carlo nga miwakli sa kamot ni Eser nga nagunit sa iyang bukton.

"Kun dili ka bayot, be, ipakita. Patilawa ko nimo," matud pa ni Eser nga mi-challenge sa gwapong si Carlo.

"Dili na maoy basehanan nga bayot o lalaking tinuod ang usa ka lalaki, adto na ko oy. Ayaw ko’g langaya kay nagpaabot si papa sa balay. Basin makulatahan kong papa kay gigutom na baya tong akong gibiyaan sa balay." Matud pa ni Carlo ug dayong biya ni Eser. Nabati pa ni Carlo si Eser nga nagkanayon, "himoa sad kong Eba sa imong Paraiso oy, Carlo." Wala na manumbaling pa si Carlo. Wala sa iyang huna-huna ang mopatol og usa ka bayot. Dihang hapit na siya maabot sa may palitanan og Litson manok nakita niya si Lina, Nakita siya ni Lina. Miduol kini kaniya.

"Hi Carlo," pagtimbaya ni Lina kaniya.

"Hi. Ngano man mo ni papa ganiha?" pangutana ni Carlo kang Lina bisan og nasayod na siya sa nahitabo ug hinungdan sa pagbiya ni Lina sa ilang balay.

"Dah makalagot ang imong amahan. Wala ko makauyon sa iyang gibuhat naku ganiha," matud pa ni Lina.

"Kay unsa man diay gibuhat ni papa nimo?" Pangutana pa ni Carlo nga sa makausa pa nasayod nang daan ang ulitawo sa tubag sa pangutana.

"Wala oy," tubag ni Lina. Midugang sa pag-ingon ang dalaga, "asa diay ka?" pangutana pa ni Lina.

"Magpalit og litsong manok," tubag ni Carlo.

"Adto-a ko sa balay bi." Pagparaye’g pa ni Lina sa ulitawo.

"Ha? Ngano man?" pangutana ni Carlo.

"Naponder ang bombilya sa akong kwarto oy. Dili ko kaabot kay mubo baya ko unya ikaw taas baya. Ako tong patauran og bombilya nimo," matud pa ni Lina.

"Sure. Pero unya na inig human namo’g pangaon ni papa ha. Adtoon ta dayon ka." Matud pa sa ulitawo.

"Sige, sige, sige, magpaabot ko ha." Matud pa ni Lina ug mikidhat pa kang Carlo, ug midugang pa sa pag-ingon  ayaw’g kabalaka bayran tika. Dili nimo makalimtan sa tibuok nimung kinabuhi ang ibayad ko nimu. Pero ayaw'g sultihi ang imong amahan nga moadto ka sa balay ha," matud pa ni Lina nga mura’g dunay buot ipasabot. Human magkasultihanay. Mipadayon sa pagpalit og litsong manok si Carlo.

Nagsalo ang amahan ug anak sa talad kan-anan. Human makapanihapon, migawas ang amahan ug nanigarilyo. Samtang si Carlo usab nanghugas sa ilang kinan-an. Maoy pagsulod ni Carlo sa iyang kwarto aron maligo ug moadto sa balay nilang Lina, mao say pagsulod sa iyang amahan nga gikan sa gawas nga nanigarilyo.

"Nagtapis ka man ug tualya? Maligo ka?" pangutana sa amahan. "Oo pa." Mobong tubag sa ulitawo.

"Molakaw ka?" laing pangutana sa amahan.

"Oo pa. May adtoon lang ko kadiyot," sa hunahuna ni Carlo nga dili maayo nga sultihan niya ang iyang amahan kun asa siya paingon. Mao sab ni tugon ni Lina nga dili pahibaw-on ang amahan. Inay tubagon ni Carlo ang amahan, milahos kini sa banyo. May gamay’ng idea na si Carlo sa unsay mahitabo unya sa ilang panagkita ni Lina, kini maoy gikahinaman ni Carlo kay dugay na sab siyang nagpantasya sa babaye. Gusto usab siyang makatilaw sa natilawan sa amahan. Sa laing dapit sa hunahuna ni Carlo, dili unta angay apan nagpasulabi ang kahinam nga makatagamtam sa kahanas sa kama ni Lina. Gusto niyang masulayan ang perming buhaton ni Lina ngadto sa iyang amahan. Sa laing dapit sa iyang huna-huna okay ra nga mopatol siyang Lina total daw gitutho na man sa iyang amahan si Lina nasayod siya sa iyang amahan nga kun mapul-an kini’g babaye dili na kini niya balikan pa. Wala sa batasan sa amahan ang mogukod ug babaye. Dihang mopaingon na sa pagsulod sa banyo si Carlo, mitingog pag-usab ang iyang papa.

"Dili ka molakaw Carlo." Mando sa amahan ni Carlo. Unsaon na man lang ang ilang sabot ni Lina? (Sumpayan)