Pagkahanaw ni Ronil

Ang mga dagkong balud sa dagat naglumbaanay kung kinsay makauna sa paghiabot sa lapyahan ning maong baybayon.

Usa ka adlaw niana giandam ni Ronil ang iyang gamit sa pagpanagat. Bisan naglain ang panahon, tungod sa kawad-on wa niya baliha ang tanan kay lagi alang sa iyang pamilya. "Ronil ayaw lang una'g pagpanagat karon kay mura'g naglain man ang panahon? Ni Elsa nga iyang asawa inubanan sa kahingawa ngadto sa bugtong niyang bana."

"Ayaw kabalaka nako, day Els, buhaton ko kini kutob sa akong makaya tungod nimo ug sa atong mga anak," pulong ni Ronil uban sa pagpanghupaw.

Ug daling misakay si Ronil sa gamay niyang baruto uban sa pagbugsay padulong sa naglagitom nga lawod. Sa Cuaming, Inabangga, Bohol inubanan sa dagkong balud. Apan wa magdugay mingiob ang kalangitan uban sa dawogdog dayong gipikas ang kalangitan sa masipang liti. Pagkabuntag wala mahiuli si Ronil sa ilang puloy-anan bisan giunsa nila ug suhid ang tibuok lawod. Gikaguol ni Elsa ang pagkahanaw ni Ronil. Nakahinumdom siya sa pagkakugihan sa iyang bana. Wa damha nasakit si Elsa sa maong panghitabo. Nidaot pag-ayo, dili na gahan mokaon.

"Nay, kaon una ning pansit nga akong giluto para masudlan nang imong tiyan?" ni Trexy nga naghandom sa kasumaran sa adlaw'ng natawhan sa iyang inahan.

Unya igo lang nitutok si Elsa sa iyang anak dayon sa pag-agas sa iyang mga luha dayong gakos ni Trexy.

"Kuya, kuya!! si nanay," ni Trexy pa. Nakuyawan sila kay kalit lang nibangon ang ilang nanay  ug mapahiyumon, niadtong gabhiuna. Apan may kalit nanuktok sa pultahan ug sa pag-abli ni Trexy... "Tay! Ikaw?" nihilak si Trexy sa kalipay uban ni Dong Troy.

"Nay!! Si Tatay niana?" singgit sa iyang anak sa tumang kalipay ug kahinangop. 'Ronil ikaw! dakong buhi? Salamat Lord dakong buhi ang akong bana dayong gakos ni Elsa.

"Nalunod ang akong sakayan sa Mokabok island nagpautaw-utaw ko sa lawod ulan ug init, ang akong natagamtaman. Mga lusay ang akong gikaon ug wala nakoy nahimo gigisi ko akong sinina aron kaunon. Samtang nag-abay sa dakong kahoy nga anod.

Mao na lay akong namat-an nga anaa ko sa maong isla uban sa tigulang nga maoy nakabangal kanako. Ug wa ko, kaila'g kinsa ko? Naamnisya ko."  "Pasayloa ko day, nga wala koy dalang binirtdihan alang kanimo?" ni Ronil nga maluyahon. "Dili na kana importante Ron," ni Elsa pa.

"Ang importante nga buhi ka, uban nako ug sa atong mga anak?" ni Elsa nga nigakos og hugot uban ni Ronil ug sa ilang mga anak. (Kataposan)