Dear Medyo Maldito,
Ako diay si Lyn, 22 years old taga Carcar. NBSB, (no boyfriend since birth), jud ko. Gusto unta ko makasuway ug unsai feeling ma inlove. Kanang nay boyfriend nga dili tiaw-tiaw. Kanus-a kaha na mahitabo. Maybe in God's perfect time, maabot ra jud ni. Pero i'm not getting younger baya, unsa may angay nakong buhaton?
* * *
Hi, Lyn. 22 years old naka, ug wa pa kay uyab? Ayaw'g kabalaka, kay wa ka nag-inusara. Unsa may imong dalian anang gugma, wa man nay deadline. Di na project nga kinahanglan dali-dalion. Pero ang gugma, mura na'g exam. Kung kinsa tong pirmi gadali, sila ang sige'g kasayop. Maong ayaw gyud pag dali, kay kung ang DALI balihon, ILAD raba. Sakit kaayo nang masayop ug mailad pag -abot sa gugma. Sakit man gani nang madagma ka nga matuhod ra, unsa na lang kaha nang sa gugma nga madughan ka. So, unsay angay nimong buhaton? Before you "enter the kingdom of love” mao kini ang tamdi:
Ila-ilaha og maayo ang imong kaugalingon. Kung gusto ka'g uyab nga makasabot nimo, kinahanglan ikaw mismo, kahibaw ka kung unsa imong gusto. Importante gyud nga kaila naka's imong kaugalingon ayha ka makigrelasyon kay basin og mapareha ka's uban. Makigbuwag kay "I need to find myself" daw.
Learn to be happy bisag ikaw ra usa. Don't depend your happiness sa usa ka tawo. Kay kung ang imong uyab ra ang imong kalipay, unsaon na lang ka kung muhawa ug mubiya siya?
Higugmaa imong kaugalingon una. Kay unsaon man nimo paghatag sa usa ka butang kung ikaw mismo wala ana? Kung gihigugma nimo imong kaugalingon, di gyud ka mo-"settle for less." Di nimo sugton ang nanguyab kay aron lang makauyab ka. Sugton nimo siya kay angay siya para sa imong gugma ug gusto nimo siya mabana.
Di nimo kinahanglan ang uyab aron makompleto imong pagkatawo. Bata pa kaayo ka. Chill lang. I-enjoy ang imong pagka single kuyog imong pamilya ug barkada. Mas maayo na lang nang single pero happy. Ayaw gyud kaguol nga wa kay uyab kay daghan ra ba nagbasol nganong ni-enter sila. Si Mr. Right, Lyn, muabot ra na in God's perfect time. Huwat-huwat lang. Ang nakapait, wala’y waiting shed ning gugma. Kung dugay, salig lang. Padong na to, na-traffic lang siguro. — Medyo Maldito
* * *
Alang sa inyong problema nga buot ninyong patambagan, suwata ka na ug ipada sa : medyomaldito@gmail.com