Dear Tita Salie,
Good day. Usa ko sa nakadayeg sa imong mga tambag nga binase sa Balaang Kasulatan. Padayon lang. Ako diay si Luisa Pilapil sa Danao, Bohol. Ang akong gusto masayran kun sa unsa nga paagi ang Bibliya “inspirado sa Diyos”? Pasabta ko palihug Tita Salie.
* * *
Dear Luisa,
Ang tibuok kasulatan inspirado sa Dios ug mapuslanon sa pagpanudlo, sa pagpamadlong, sa pagpanul-id sa mga butang sa pagdisiplina diha sa pagkamatarong, aron ang tawo sa Diyos mahimo nga takus gayud alang sa tanang maayong buhat.
Kini nagpasabot nga ang mga tawo niini nga nagsulat maoy tinultolan sa Balaang Espiritu sa Diyos. Dili kini kaugalingon nga interpretasyon sa tawo.
Iyang gigamit ang mga tawo sa pagsulat niini sanglit ang tawo maoy iyang gihatagan og katakos sa pagsulat dinhi sa yuta. Apan pinaluyohan sa iyang gahom ang tawo nakahimo sa pagsulat sa Balaang Bibliya giniyahan sa Balaang Espiritu (2 Timoteo 3:16, 17) -- Tita Salie