Dear Tita Salie,
Ganahan ko mobasa sa imong tambag ilabi na og binase sa Bibliya. Ako diay si Delia Etrata, taga Lapu-Lapu City, 14 years old pa ko. Ang akong pangutana, ngano nga duna may makahunahuna sa paghikog? Pasabta ko. Thanks.
* * *
Dear Delia,
Daghan ang hinungdan. Una, kita nanginabuhi na sa makuyaw’ng panahon nga lisod sagubangon ug daghang batan-on nabug-atan pag-ayo sa ilang problema. Dayon, tungod sa pagkadili pa hingpit sa ilang panghuna-huna, ang uban negatibo kaayo’g panglantaw sa ilang kaugalingon ug sa kahimtang sa kalibotan.
Usahay, tungod kini kay gimaltrato o giabusohan sila. Sa ubang kahimtang, tingali epekto kini sa problema sa panglawas ug sa kakuwang sa panabot. – Tita Salie