Kanunay nga libakon
Dear Tita Salie,
Kumusta? Tagoa lang ko sa ngalan nga Varga. Palihug, pasabta ra gud ko kun unsa’y angay nako nga buhaton sa mga tawo nga puwerte g’yud kahimantayon. Bisan og wala ko’y laag-laag ila ko nga hilabtan. Salamat.
* * *
Dear Varga,
Kaylap na gayud sa atong panahon karon nga bisan wala kita manghilabot sa uban bahin sa ilang personal nga kinabuhi, kita may sumsoman sa ilang tabi.
Ang daotan nga tabi makadaot man gud sa atong personal nga pagkatawo kay kini magpakatap man gud og dili tinuod nga inpormasyon.
Ang angay nimo nga himoon, likayi lang sila nga sige’g panabi o pamantay nimo, dili ka man ma-guilty kay wala man kay atraso nila.
Pamatud-i lang sa imong kaugalingon nga sayop sila sa ilang gituohan bahin kanimo. Iampo nga moabot ra ang higayon nga sila makaamgo nga dako’ng sayop ang ilang gihimo nganha kanimo. - Tita Salie
- Latest
