Dear Tita Salie,
Tagoa lang ko sa ngalan nga Cielo, 17 years of age. My problem is all about myself. Unsa kaha kining akong gibati nga ma in-love man gud ko’g boy and girl. Naglibog g’yud kaayo ko sa tinuod nga feelings sa akong kasingkasing. Pasabta ko Tita.
* * *
Dear Cielo,
Bisan tuod nga dili na dako’ng isyu alang sa daghang tawo ang homoseksuwalidad, apan tin-aw kaayo ang gibatbat sa Balaang kasulatan bahin niini sa Genesis 2:24. Kini nag-ingon: “Mao nga ang lalaki mobiya sa iyang amahan ug sa iyang inahan ug siya kinahanglan motipon sa iyang asawa ug sila mahimo nga usa ka unod.”
Nagpasabot kini nga gihimo lang sa Diyos ang lalaki ug ang babaye. Wala maglalang ang Diyos sa tawo nga sama’g cellphone nga dual. Iampo sa Diyos ang imong problema. Ipasusi kaniya ang imong kasingkasing, ug mga hunahuna.
Ug magpatultol ka kaniya sa hustong dalan. Paghunahuna og makapalig-on nga mga butang. Pananglitan, magbasa ka’g Bibliya kay kini gamhanan kaayo ug makaimpluwensiya kini sa imong hunahuna ug kasingkasing alang sa imong kaayohan. - Tita Salie