Tilaw sa katam-is

Gula 17

Giangkon gayud ni Arthur si Shane niadtong gabhiona didto mismo sa iyang gipuy-ang lawak. Walay nakadisturbo kanila tungod kay ang duha ka kaubang tindera ni Shane mipauli man sa ilang dapit sa probinsya.

Gisubli-subli nila ni Arthur ug Shane katulo ka higayon ang pagtagay sa lawasnong kalipay. Kaadlawon na nga mipauli si Arthur. Sayo siya nga mipauli aron nga dili siya mabantayan sa mga silingan ni Shane.

Naluoy si Art sa kaagi ni Shane. Tinuod, disgrasyada kini nga pagka babaye kay natugyan man niya ang iyang pagkababaye ngadto sa kanhi niya hinigugma apan wala kini igsayapan ni Arthur.

Dili g’yud hinuon mahibaw-an nga si Shane nakaagi na og lalaki tungod ka puwerte gihapon kabigot ang lawas niini nga mura g’yud og wala mahilabti. Bug-os na ang hukom ni Arthur nga tumanon niya ang iyang gisaad sa dalaga.

Nahuna-huna ni Art nga sa iyang pangedaron nga 26-anyos haum na kini nga makabaton siya og pamilya. Wala gayud siya magdahom nga maangkon niya si Shane tungod sa iyang kaanyag.

Pag-abot ni Art sa iyang gipuy-an, wala na siya batia pa og duka. Nag-andam na lang siya sa iyang panginahanglanon sa pag-report sa opisina kay hapit na gani mosidlak ang adlaw.

Unya, nakadawat og text message si Arthur. “Kumusta? Karon pa ko nahigmata sa kakapoy. Wala ko maka-duty,” matud ni Shane.

Nahuna-hunaan ni Art nga mag-half day lang siya aron adtuon niya si Shane. (Sumpayan)