Dear Tita Salie,
Usa ko sa ganahan mobasa aning pasabta ko. I really like your style. Mangayo lang ko nimo og tips kun unsa ang angay ko nga buhaton. Duna man gud ko’y friend nga nakasala nako. Nangayo siya’g pasaylo apan bisan unsaon dili g’yud nako siya mapasaylo sa iyang nabuhat. Ngano nga ingon niini man ang akong pagbati, Tita Salie? Palihog pasabta ko.
* * *
Good Day,
Nakasulay ka na ba nga usa sa paborito nimo nga sinena, nagisi? Unsa’y imong gihimo? Dili ba imo kini nga ayuhon, pikoton o tahion aron nga mapuslan pa? Sama usab niini ang nadaot ninyo nga panaghigalaay.
Kun friend gani g’yud mo, mangita ka’g paagi nga magkauli mo. Kun gisakitan ka sa iyang nabuhat, palabya una ang panahon ug mga problema ug pamalandonga ang giingon sa Salmo 4:4.
“Makigsulti kamo sa inyong kasingkasing ug maghilom.” Pamalandonga og maayo aron dili matapos ang inyong panaghigalaay. Kun mahimo, ipadapat ang tambag sa 1 Pedro 4:8 nagaingon: “Taboni og gugma ang mga kasal-anan.” Pamalandonga usab kay basin ikaw maoy hinungdan nga nakasala siya. Ang tanan masayop. Busa dili mabasol nga may mahimo o masulti siya nimo nga makapasakit. - Tita Salie