Dear Tita Salie,
Good day. Just call me Andrie, 32 years of age, ulitawo pa. Ang nakahasol nako kay since in high school pa ko, dili man ingon niini ang akong pagbati, karon na man ni nga na-matured na ko. Pagka karon, dili na man ko ganahan og girl.
Kaduha na man gud ko makatilaw og laki mao seguro nga naingon niini ang akong feelings karon. Lahi g’yud ang akong bation kun makakita ko’g guwapo ug macho. Hitsuraan baya ko. Palihug pasabta ko sa angay ko nga buhaton kay galibog na ko.
* * *
Good Day Andrie,
Ayaw liboga ang imong hunahuna ug ayaw usba ang kabubut-on sa Diyos. Duha lang ka matang ang gilalang sa Diyos, bisan mga langgam, isda, mananap labina ang tawo.
Gilalang sa Diyos ang lalaki ug babaye. Ang gitugotan sa Diyos nga mag-ipon isip asawa ug bana mao ra ang lalaki ngadto sa babaye. Sumala sa Genesis 2:24, 25 kini nag-ingon “Ang lalaki mobiya sa iyang amahan ug sa iyang inahan ug siya kinahanglan nga moipon sa iyang asawa ug sila mahimong usa.”
Pangita og babaye kay gilalang ka nga usa ka lalaki ug ang imong kasingkasing alang lang sa usa ka babaye. – Tita Salie