Pista sa bukid - Gula 23
Gikan sa nahimutangan nila nga payag daplin sa uma sa tiyo ni Kenn, nadungog nila ni Lyn ang tuktugaok sa mga hiniktan sa unahan nga panimalay.
Nagpasabot nga hapit na g’yud mobuntag. Gihagkan pag-usab ni Kenn si Lyn nga naghigda pa gihapon sa lantay. Gusto si Kenn nga morebansin mao nga giparaygan na usab niya si Lyn.
“Basin maabtan ta dinhi sa imong tiyo ha?” may kabalaka ang tingog ni Lyn. “Ayaw kabalaka, dili tigsayo moanhi sa uma si tiyo. Wala ‘say moanhi dinhi kay tuyoon ang nahimutangan niining payag,” matud ni Kenn.
Sa makausa pa, gidimdim nila ni Kenn ug Lyn ang katam-is sa gugma nga nahimugso human nila madungog ang tukar nga Love at First Sight atol sa pagtambong nila sa bisperas sa pista.
May kahayag na nga makita sa sidlakan. Giagbayan ni Kenn si Lyn samtang naglakaw sila paingon sa balay sa ulitawo.
“Nahibulong na g’yud to sila karon si Alice ug Clemen ingon man si Nympha ngano nga wala dayon kita mosunod kanila,” matud ni Lyn.
Mingaw ang balay sa ilang pag-abot. Wala sila maghimo og kasikas sa ilang pagsulod. Nakita nila nga nangatulog na ang mga kaubang dalaga ni Lyn didto sa kuwarto ni Nympha.
Bisan og wala sila’y kinatulgan si Kenn ug Lyn, apan wala g'yud sila batia og kakapoy. Gipadayon nila ang pagparayganay samtang may gamay pa nga kangitngit nga mihabol sa kalibutan. (Sumpayan)
- Latest
