Nakigpuyo’g minyo

Dear Tita Salie,

Just call me Shemi, 19, minyo ug adunay usa ka anak. Nagkasinabot kami ug ang akong 31-year old nga textmate nga magminyo. Misugot ko nga magminyo na lang mi aron makalingkawas ko sa bati nga kinaiya sa akong amahan. Apan nikompisal ang akong boyfriend Tita Salie nga minyo diay siya. Nag-live in gihapon mi karon. Unsay maayo nako nga buhaton?

Hello Shemi,

Dili gayud unta angay nga himoon nimo nga hinungdan sa pakigtipon sa usa ka lalaki ang bati nga batasan sa imong amahan. Tungod sa dinalian mo nga desisyon, minyo diay ang lalaki.

Karon kay imo na man nga nasayran ang kamatuoran, ang imong maayong kaugmaon nakasalalay sa imong maayong desisyon. Sa mga mata sa tawo, labi na sa Diyos, usa kini ka dako nga sayop ang imong gihimo nga nakigrelasyon ka sa tawo nga may kabilinggan na sa kinabuhi.

Gibiyaan sa imong boyfriend ang iyang asawa tungod kanimo. Kun ikaw pa ang anaa sa lugar sa iyang asawa, sakitan ka g’yud. Dili ‘sab imposible nga ang gihimo sa mao nga lalaki ngadto sa iyang asawa, iya usab nga himoon kanimo kun makakita siya’g laing babaye nga iyang magustohan.

- Tita Salie