Dear Tita Salie,
Just call me Lydia, 14 years old, nag-school pa ko karon. Mangutana lang ko kun makadaot ba ang kinawat-kawat nga pagpakig-date.
May gusto man gud makig-date nako apan mahadlok man ko nga mahibaw-an unya sa akong mga parents. Kasab-an man gud ko kun mag-uyab-uyab. Pasabta ko.
* * *
Dear Lydia,
Ang pulong kawat-kawat, dili gayud maayo nga paminawon. Ug ang kinawat-kawat nga pakig-date moani gayud ka og mga problema. Ug kun adunay problema, dayag nga dili kini maayo.
Ug kun dili maayo, klaro nga kini makadaot. Sa paghimo nimo og kinawat-kawat nga pakig-date dili makapalipay sa imong mga ginikanan kay dili ka makabantay nga mosangpot kini sa pakighilawas.
Kun malusotan nimo ang imong mga ginikanan pero dili ang Diyos. Nagpasabot nga kun magkawat-kawat ka sa pakig-date, namakak ka na sa Diyos, dili lang sa imong ginikanan. Ang pagpamakak nag-una kini sa listahan sa Bibliya nga dili gusto sa Diyos. -- Tita Salie