Magselos sa uyab

Dear Tita Salie

Tawga lang ko’g Aleeyah, dalaga. Nagproblema ko sa akong lovelife karon. Basketball player ang akong boyfriend ug hitsuraan mao nga everytime nga duna siya’y game dili g’yud ko mahimutang kay mahadlok man ko nga tingali unya kun matental siya sa laing girl.

Nasayod man gud ko nga adunay daghang girl nga ganahan motan-aw og basketball game, ug magselos dayon ko sa akong uyab. Mao g’yud kini ang sagad namo nga awayan kay medyo possesive na man ko niya. Unsa may akong buhaton?

* * *

Dearest Aleeyah,

Dili g’yud angayan kanimo nga makigrelasyon sa usa ka tawo nga ang kinabuhi mura’g artista. Kanunay anaa sa gawas, kanunay nga duol sa mga tawo tungod kay duna kay hang-ups in life.

May pagka-insecure ka sa uban. Maayo unta kadto kun imong gihunahuna daan kun kaya ba nimo nga ingon niana ang matang sa kinabuhi sa imong uyab.

Matud nimo nga guwapo pa g’yud mao nga mosamot nga daghan kaayo og fans ang imong boyfriend. Dili kalikayan nga daghan ang mahimo niya nga amiga. Pero kun duna kay pagsalig sa imong uyab ug kun kasaligan siya, wala kay angay nga kabalak-an. Ang imo lang buhaton nga supportive ka niya kun duna siya’y mga duwa. - Tita Salie