Nakasaksi

Dear Tita Salie,

Hello! Always g’yud ko nagsunod sa Pasabta Ko kay ganahan ko mobasa sa imong mga tambag. Anyway, just call me Kissy. May nanguyab nako sulod na sa upat ka buwan. Pero wala ko pa siya sugta kay ang iyang ex-GF ako man nga bestfriend. Unya nakasaksi man ko sa paghilak sa akong bestfriend. Matud niya seryoso daw siya ngari nako. Angay ba nako siya’ng tuohan?

* * *

Hello Kissy,

Ang pagbati sa imong best friend ug ang imong pagbati susama ra. Kun ang kasingkasing sa imong suod nga higala gipasakitan niya makaingon kaha ka nga dili ‘sab kini mabuhat kanimo nga susama ra man kamo nga babaye? Ang tinuod nga gugma kini gayud makamao nga moantos ug maunongon. Maunongon ba ang iyang gibuhat sa imong bestfriend?

Himoa nga maalamon ang imong desisyon pinaagi sa paglantaw sa unahan bahin sa imong nasaksihan sa suod mo nga higala. Kay ang pagbaton og relasyon sa babaye ug lalaki maoy una nga tikang sa pagpundar og pamilya nga isipon kana nga seryoso kay nagtangag og papel ug mga saad. - Tita Salie