Orasan
Sa paglingkod sa witness chair ni Dr. Frank Manubag aron manistigos mahitungod sa samad sa kinatawo sa babaye nga biktima sa lugos, nahilom pag-ayo ang sulod sa husgado. Kay daghang interesado nga maminaw mahitungod sa pinakainampingang hiyas sa lawas sa babaye.
“Before you start this morning with the direct examination companyero, you have two options. You may request the proceedings be transferred inside the chambers or the complainant herself may just be the one to stay inside the chambers. Because there might be some revelations by the physician that might be embarassing to her” ni Judge Shem Aroga ngadto ni Atty. Mario Abanis, private prosecutor, abogado ni Janet Naliba, 19 anyos nga kihante.
Nitindog si Mario. “We have conferred a while ago, Your Honor. She preferred to stay inside the chambers” ni Mario. “What can you say Atty. Salga?” sa huwes ngadto ni Dante nga bag-ong nasulod sa Public Attorney’s Office, abogado sa akusado. “No objection, Your Honor” ni Dante. Nitindog si Janet ug gikuyogan ni Ariel, interpreter, ngadto sa chambers o opisina sa huwes.
Sa pagpanitistigos sa doctor, nisulti siya nga may duha ka bitas sa kinatawo ni Janet. “One at three o’clock and the other at nine o’clock” sa doctor. “Will you kindly explain in layman’s term, what do you mean by 3 o’clock and 9 o’clock?” ni Dante sa cross-examination. “Ang kinatawo sa babaye, gipakasama sa orasan. Ang usa ka samad, naa sa numero 3 ug ang laing samad, naa sa numero 9” sa doctor.
Bisan lisod alang ni Dante ang pagdepensa sa kasong rape, at least, madugangan iyang kaalam. Dili lang sa balaod, hasta pud sa anatomy sa babaye. Karon pa niya masayri nga may orasan diay sa lawas sa babaye.
- Latest
