Mahadlok

Dear Tita Salie,

Maayong adlaw. Permi gyud ko mobasa’g Banat News esp. sa imong column pasabta ko. Ang akong problema kabahin sa akong lovelife.

Naa ko nagpuyo sa balay sa akong uyab unya mag-away mi usahay. Kun mag-away gani mi makahunahuna ko’g lakaw, pero dili ko kalakaw kay mahadlok ko nga tingali unya og makakita siya’g lain. Love man gud kaayo nako siya, Tita Salie.

Unsa kahay maayo ko’ng buhaton nga maglain man gyud ang akong utok basta mag-away mi. Palihug pasabta ko. Thank you and more power to your column.

* * *

Maayong adlaw,

Abi nimo lisod gayud ang pagpuyo kun sama kita’g estranyo, kay daghang butang ang angay natong ipasibo. Pananglitan, sa atong pamatasan ug panggawi atong kustombre kinahanglan nga atong ipahigayon kanila. Ug susama niini ang imong sitwasyon nga nagpuyo ka sa dili nimo balay. Kinahanglan gayud nimo ang hataas nga pailob aron mauyonan ka sa mga ginikanan sa imong uyab.

Ayaw na lang laina ang imong utok kun may panahon nga mag-away mo. Love man kaha nimo kaayo ang imong uyab, dili man pud ka mouli sa inyong dapit. Ang mahimo nimo pailob na lang kay sumala sa Balaang Kasulatan sa 2 Pedro 3:15 “Isipa nga ang pailob ni Kristo mao ang kaluwasan.” -- Tita Salie