Jezebel

Gula 150

“Mangaon na ta, Jezebel, tingali og mabugnaw to’ng sabaw,” matud ni James. “Sige,” sanong ko.

Mibangon dayon ko. Miadto dayon mi sa anteroom diin gipahimutang ang mga pagkaon ibabaw sa lamesa. Nangaon dayon mi.

Human sa pangaon, namahulay mi’g kadiyot. Human  makapanghimudlay, gisaulog na usab namo ang karaang ritwal sa gugma.

Gitilok gayud namo ang mga gutlo pagtagay sa lawasnong kalipay.

Pito g’yud ka lovemaking session ang natapos namo ni James. Natagbaw ko’g maayo sa iyang performance. Nasuta nako nga taas usab diay siya’g lahutay.

“Hinaut nga dili unta kini ang kataposan natong panag-uban,” nagkanayon si James sa diha nga nag-ilis na kami aron manggawas na sa hotel. “Ang Diyos ra’y nasayod, James,” giingnan ko siya.

Wala na ko motubay sa uban pa niyang gisulti aron dili na motaas ang among estorya. Gusto na kong makapauli sa balay.

Mibati na ko’g kabalaka nga tingali’g gipangita na ko ni Manang Ester. Ang akong pananghid niya mao nga mosimba ko.

Nagtuo ko’ng nahibulong na gayud si Manang Ester kun nganong dugay kong nahiuli gikang misimba. (Sumpayan)