Wow, ang ganda!

Gula 5

Kutob ra g’yud sa gakus-gakos ug kiss ang nahimo sa maghigala nga Nick ug Yol ngadto sa ilang masi’g ka partner. Lahi na ang sitwasyon sa East Paris tungod kay ang mga pultahan gibutangan na og bildo nga makita ang tua sa sulod gikan sa gawas. Gipangayoan nila ni Yol ug Nick ang ilang mga partner og contact numbers. “Mo-text ra unya mi ninyo ha? Basin karong semanaha mokontak ra mi si bay Yol,” giingnan ni Nick ang duha ka entertainers.

“Unsa diay imong day off Yol?” gipangutana si Yol sa maanyag niya nga partner nga naghatag og ideya nga andam kini nga makigdeyt.  Human tug-ani sa maghigala nga dungan ang ilang day off sa adlaw nga Martes, nagkasabot dayon sila nga magdeyt niana’ng adlawa.

Kaadlawon na. Tan-aw ni Yol sa iyang relo de-pulso hapit na alas tres sa kaadlawon ug manirado na ang East Paris. Gipatikan nila og kiss ang ilang mga partner sa dayon nila’ng gawas sa kuwarto human kabayri ang ilang obligasyon.

Paggawas nila sa kuwarto, ilang nakita nga wala na’y tawo sa common area. Mingaw na ug nasabot sa maghigala nga nanggawas na ang sagad sa mga customer sa bar.

“Bye, kontak baya ha?” giingnan si Yol sa iyang maanyag nga partner nga mihatod kaniya sa entrance sa club. Nalipay ang mga babaye kay tag P1,000 ang tip nga gihatag sa maghigala.

Nag-iyahay pagsakay ang maghigala sa ilang mga kotse. Pagkaugma, nagkataw-anay ang maghigala nga nagsuginlanay sa ilang kaagi nianang miagi’ng gabii. Ilang gisabotan ang umaabot nila nga deyt sa ilang mga partners inigka Martes.

May gisulti si Nick ngadto sa iyang higala nga nakapakatawa kaayo kanila. “Sige bay, ako ra’y palit ana, para sigurado nga mag-enjoy g’yud ta sa atong deyt unya. Sigurado’ng magpangita sa atong address ang mga partners nato human sa deyt,” ni Nick pa nga nagngisi. (Sumpayan)