Gilaay si Yol gipul-an na siya sa pagsuroy-suroy sa mga mall. Sagad nga buhaton ni Yol mao ang pagsuroy-suroy sa mga mall atol sa Sabado. Apan ning Sabadoha ingon siya sa gilaay mao nga gitawgan niya ang iyang suod nga higala nga manuroy sila sa mga bar dinhi sa dakbayan.
Giingnan si Yol sa iyang higala nga si Nick nga nagbukas na pagbalik ang kinaham nila nga bar kaniadto diha sa North Reclamation Area. Hapit na tuig nga nasirado ang Las Vegas KTV nga maoy suki nga suroyanan sa maghigala nga Nick ug Yol. “Mao ba bay? Abli na diay ‘sab ang Las Vegas?” ni Yol pa nga mora’g naglumpayat sa kalipay. Nasuta man gud ni Yol nga puwerte’ng daghana nga mga maanyag nga dancers kaniadto ang Las Vegas apan napasirad-an lang.
“Bag-o na ang management karon bay, ug mas gipanindot pa nila ang mga shows ug misamot nga daghan kaayong mga guwapa. East Paris na ang ngalan bay,” matud ni Nick nga nakapaikag kaayo ni Yol.
Dali ra kaayo nga nagkasabot ang magbarkada nga mangadto sila sa bar nga suki kaayo nila kaniadto. Tuod, wala pa’y alas siete sa gabii, didto na si Yol sa parking area nagpaabot sa iyang higala.
Wala madugay, nakita ni Yol nga misulod na ang kotse ni Nick sa entrance sa higante nga bar. “Wala ka g’yud magpaulahi bay da!” matud ni Nick nga nagngisi dihang nagpaingon kini sa nahimutangan ni Yol.
“Semana pa ni kapin nga miabli pagbalik bai, daghan kuno kaayo’ng pakulo,” matud ni Nick samtang hinay sila nga misaka sa luag kaayo’ng hagdan. Gisugat sila sa mapahiyumon nga mga floor managers. “Good evening,” halos magkadungan ang duha ka maanyag nga babaye nga mitimbaya sa managhigala. (Sumpayan)