Jezebel - Gula 87
Sa kadugayan, nakabaton ko’g problema sa pag-short time namo ni Edward. May curfew man gud sa alas 10 sa gabii sa akong boarding house. Sagad dili ko makauli og alas 10 kun mag-short time kami si Edward. Tungod niini, nakadawat ko’g warning gikan sa akong landlady. Papahawaon ko niya sa boarding house kun kanunay kong mahiuli sa lawom nang gabii. Mao nga nahunong ang short time namo ni Edward magabii.
Pero wala pa matapos ang malipayon namong mga adlaw. Nagpadayon ang among kalihokang sexual sulod sa akong boarding house ug ingon man sa gipuy-an ni Edward.
Usa niana ka weekend, mipauli ko sa Mabini kay nahutdan na ko sa allowance ug may libro pa usab kong palitonon. Sa akong pag-abot misugat kanako ang bad news. Napatay ni tatay Metodio ang tatay ni Edward.
Na-shock gyud ko sa nahitabo. Ingon sa dili ko makatuo nga makahimo si Tatay Metodio pagpatay ni Noy Eking nga mao ang tatay ni Edward tungod kay suod silang managhigala.
Sa gihimo kong pakisusi, akong nasayran nga si tatay Metodio igo lang mibarog sa iyang katungod isip bana maong napatay niya ang amahan ni Edward. Kay naabtan gayod sila sa akto ni tatay Metodio nga naghilawas sila si nanay Ludy ug ang tatay ni Edward nga si noy Eking. Gipusil ni tatay Metodio si noy Eking nga maoy hinungdan sa kamatayon niini. Si Nanay Ludy abtik nga nakasibat ug walay nasayod kun hain na kini karon. -- Sumpayan pa
- Latest
