Gipasanginlang nangawat

Dear DJ Inday Misyel,

Ang akong bana naapil sa pasangil sa pagpangawat apan binuhatan ra kini sa ilang foreman sa construction. May kasuko tingali sila sa akong bana. Usa ka adlaw giagbayan ang akong bana sa site ug gipagunitan ang mga butang sa construction hangtod nga naabot sila sa canteen. Pagka-ugma, nawala ang mga butang nga gipakuptan. Sa imbestigasyon gitudlo sa tindera ang akong bana kay mao may nakit-an niya nga naggunit niini sa wala pa mawala. Giapil ang akong bana pagkiha. Mikuha mi og abogado sa gobiyerno pero wala mi makatunga sa husay kay nagkasakit ang among anak. Usa ka higayon mikuha og NBI clearance for employment ang akong bana, apan na-hit man. Gikulbaan siya og milakaw na diretso. Unsaon man ni namo Inday Misyel? Walay sala ang akong bana. - Asawa

Dear Asawa,

Kun na-hit ang imong bana, posible tungod kini sa kaso nga gi-file o may ka pareho siya og ngalan sa tawo nga nalambigit og kaso. Oki, dili man heinous crime ang kaso nga gipasangil sa imong bana. Ipabalik sa NBI aron mahibawo kamo sa status. Atubanga ang kadagkoan sa NBI nga mangutana unya puwede ma-release ang clearance kun maka-justify ang imong bana nga wala siya’y sala sa gipasangil nga kaso.To clear his name is to face everything, but pray and pray to Holy Father.- DJ IndayMisyel 09995894692