Humok og ilong

Dear DJ Inday Misyel,

Ako si Lovely, nagpuyo ko sa Barangay Yati, Liloan ug mag-18 na ko this coming December. Duna ko’y ka-live in karon pero naa may na-in love nako nga kauban ra niya sa trabaho. Ang guy nanghuwam sa akong selpon kay aduna kuno siya’y teksan, apan iyaha ra diay nga number ang giteksan aron makuha niya ang akong number.

Karon na in-love na ‘sab ko sa guy kay sige na man mi’g bayloay og mensahe sa selpon. Wala pa’y usa ka semana nanguyab nako ang guy, unya ako ‘sab nga gisugot dayon kay naka-feel man ‘sab ko’g love kaniya. Unsaon man ni nako? - Lovely

Dear Lovely,

Tinuod nga aduna ka’y kagawasan nga mahigugma apan sayop ang pagsugot nimo nga aduna ka na’y ka-live in ug wala makasala kanimo. Ang guy, yano ra kaayo nanguyab kanimo kay basin duna kini kaugalingon nga interest ug nakamatikod nga ikaw humok og ilong nga pagkababaye. Ang mao nga lalaki walay respito nimo ug sa imong ka live-in nga kauban ra niya sa trabaho. Lubog ug gubot ang padulngan sa imong gisudlan nga  relasyon. Basin maapektohan ang trabaho ug maguba ang relasyon sa duha ka lalaki ug labi na sa inyo’ng pagpuyo. Mentras sayo pa, putla na ang imong relasyon sa guy. Ilisi ang imong simpack aron dili ka na masamok pa ug kalimti na siya. Pagsabot kamo sa imong ka live-in nga magtigom aron magpakasal ug mahimutang na kamo sa pagpuyo nga dunay blessings. - DJ Inday Misyel  (Makontak ko sa 09995894692