Tugob sa kamalipayon ang panag-uban nila ni Grace ug Elmer samtang namista sila sa Barangay Hingatmonan, Balamban. Bisan og dili sila mag-sweetheart apan ang ilang mga lihok nagpakita nga sama na sila sa naghigugmaay.
Klaro kaayo nga nagkasinabtanay na sila base sa tagsa-tagsa nila ka tinan-awan. Wala kaayo sila magpakagabii sa pagpauli kay sayo pa sila nga mobalik sa siyudad unya sa kaadlawon.
Gihatud ni Elmer si Grace sa ilang balay. “Wala pa tingali maabot sila si Mama ug Papa kay gigakotan pa man ang pultahan,” ni Grace pa. “Sige, adto na lang ko Grace. Dili ka man kaha mahadlok nga ikaw ra dinhi? Adto na ko, kiss usa bi?” panamilit dala’ng komedya ni Elmer.
Wala motingog si Grace ug nagpanglingi kini sa palibot. “Sige na, kiss ko nimo Grace,” subli nga hangyo ni Elmer. “Manaka usa ta sa balay uy, dia man ko’y yawe,” giingnan sa dalaga si Elmer.
Gibuksan dayon ni Grace ang kandado sa kadena nga gigakut sa pultahan. Migunit si Grace sa bukton ni Elmer kay matud pa nahadlok siya. Sa hilom giganahan si Elmer sa sitwasyon nga miparayeg na kaniya ang dalaga.
Gisirado ni Grace ang pultahan dayon gipasiga ni Grace ang suga sa balkon apan didto ra sila magpahimutang si Elmer sa sala sa ilang balay nga giharian sa kamingaw. “Siyaro og dili ka magpa-kiss nga kita na lang g’yud karon dinhi,” giingnan ni Elmer si Grace.
Mipahiyom kaniya ang dalaga. Wala mag-usik og panahon si Elmer. Gigakos niya si Grace ug mainampingon nga gipabatyag sa hawok nga puno sa pagmahal. Nakabantay si Elmer nga gipiyong ni Grace ang iyang mga mata.
Nagkainit ang ilang pagparayganay ug diha pa masayri ni Elmer nga ang dalaga uhaw usab diay kaayo og pagmahal. Gipasagdan ra ni Grace si Elmer nga mihapuhap sa lainlaing parti sa iyang kalawasan, apil na sa iyang dughan, tiyan ug ngadto na dapit sa iyang pus-on. (Kataposan)