Gidala na sa balay

Dear Tita Salie,

Magandang araw po. I hope that you are happy sa imong life karon.

By the way, just call me Ms. MTR, 37 yrs old, minyo ug dunay anak. Bag-ohay lang gyud ko nga niabot gikan sa Manila kay taga Manila man ang akong bana. Ug dihang nagminyo mi didto mi sa Manila nagpuyo.

Ang akong problema mahitungod kini sa akong bana nga nagbisyo didto sa Manila. Aduna siya’y laing babaye ug gilayasan mi, Tita Salie. Ug tungod niini nakadesisyon ko nga mopauli dinhi sa amoa ug buhion nako ang akong anak.

Karon akong nabalitaan nga gidala na gyud sa akong bana ang iyang babaye didto sa balay sa akong ugangan kay wala na man ko didto. Naglagot gyud ko sa akong bana ug wala ko masayod kun unsay maayo kong buhaton. Palihog pasabta ko, Tita Salie. Thank you and more power.

* * *

Good day,

Mas maayo gyud unta ato kun wala una ka mipauli sa inyong pinuy-anan ug nagpabihin ka una didto sa Manila. Nangita ka unta og paagi nga makagukod ka kaniya ug sa iyang kerida aron imo silang idemanda. Kay karon nga nipauli na ka maglisod ka og pasaka niya og kaso.

Apan bisan pa man kun nipauli na ka dinhi sa inyong probinsiya ug lain na ang gikauban sa imong bana ikaw lang gihapon ang mas may katungod sa imong bana kay minyo man mong duha.

Hunahunaa pag-ayo kun unsa gyud ang gusto nimong mahitabo. Ikaw ang may katungod. Puyde nimo silang ikiha, puyde nimo pasagdan lang sila ug mangayo lang ka og suporta sa imong anak. Ug puyde usab nga magpakahilom na lang ka. Apan kun moreklamo ka o mangayo ka og suporta alang sa inyong anak kinahanglan gyud kang mobalik sa Manila. -- Tita Salie