Gula 46
Basta mosugmat na gani ang biga ni Edward, mangita gyud og paagi nga maka-score sa bisan asang dapit ug sa bisan unsang higayon. Dili pud ko makabalibad niya.
Miabot ang laing adlaw’ng Domingo. Human sa pamahaw, nag-ilis ko aron mosimba. Nagdalidali ko aron makaabot sa second mass. Igo lang gyud kong nakaabot sa simbahan, gisugdan dayon sa pari pagsaulog ang santos nga misa.
Pagkahuman sa misa, mipauli na ko pag-abot nako sa balay, midiretso ko sa akong kuwarto. Nag-ilis dayon ko’g sapot nga pangbalay. Unya mihigda ko sa kama.
Nianang pagka-udto, nag-inusara na lang ko sa balay. Milakaw dayon si Tatay Metodio human kami makapaniudto. Si Nanay Ludy misunod sab paglakaw ni Tatay.
Aron pagpukaw sa kalaay sa pag-inusara, mitan-aw ko’g salida sa telebisyon.
Wala madugay sa akong pagtan-aw, may nanuktok sa pultahan. Mitindog ko ug giablihan ang pultahan aron pagsusi kun kinsa ang didto sa gawas. Si Edward diay! Misulod dayon siya dihang naabli na ang sera sa pultahan.
“Nganong nia ka?” Gipangutana ko siya.
“Nasayod kong nanglakaw ang imong tatay ug nanay maong mianhi ko,” ni Edward pa. “Maayo kay wa sila. Makalugar ta karon.”
Unya kalit lang kaayong mikupog paghalok si Edward kanako. -- Sumpayan pa