Permi kiligon

Dear Tita Salie,

Have a wonderful day. Kanunay gyud ko mobasa aning pasabta ko. Kay maka-relate man ko permi sa mga sitwasyon.

Tagoa lang ko sa pangalan nga Marnie, single ug duna koy crush nga maoy hinungdan sa akong kalibog karon. Ug mao kini ang hinungdan kon naaghat ko pagpadala kanimo sa akong problema.

Na-inlove na ko pag-ayo niining akong crush, Tita Salie. Unya suod pa gyud mi kaayo. Mao nga permi gyud ko kiligon kay kanunay man mi nga mag-estorya.

Nasayod na siya nga crush kaayo nako siya apan wala pa man siya manguyab nako. Apan sweet kaayo mi, Tita Salie, kon kami ang magkuyog. Dili man puyde nga ako ang mouna kaniya.

Palihog pasabta intawon ko sa angay kong buhaton. Thank you so much and God bless you always.

* * *

Hello, Marnie! Mao gyud kini ang nakalahi kanatong mga Filipino kay  ato gyud nga puy-an ang estelo ni Maria Clara. Kinahanglan gyud nga duna tay values when it comes to our feelings and emotions. Dili gyud nindot tan-awon nga kita ang mag-unauna sa lalaki. Bisan unsa pa nimo ka kilig diha ug ka-inlove kinahanglan ka nga magpuyo ug maghulat kon kanus-a modega ang lalaki sa iyang baraha.

Ayaw gub-a ang imong nindot nga imahen ug ipadayon ang imong batasan nga usa ka dalagang Filipina.

Kinahanglan nga duna tay respeto sa atong kaugalingon aron usab respetohon ta sa uban. -- Tita Salie